Ikalabay nga mga Dulaan, Ikalabay nga mga Prinsipyo

Sa kalibotan sa mga dulaan sa kabataan, “ang tradisyonal naapsan sa mausohon, ang de-kalidad nga dulaan giilisan sa basura nga dulaan,” nag-ingon ang Daily Mail sa London. Usa ka sikyatrista sa bata, si Dr. Kieran Walshe-Brennan, mibati nga kini may ginasulti mahitungod sa “kalig-on ug moralidad sa batan-ong kaliwatan.” Sa nangagi, siya nag-ingon, ang mga dulaan maayong pagkagama, ug ang kabataan gitudloan sa pagmahal ug pag-atiman kanila. Ang “malungtarong kalidad” sa maong mga dulaan “nagbanaag sa labi pang lig-on ug moral nga tinamdan diha sa katawhan,” nag-ingon ang doktor. Sa kasukwahi, “ang ikalabay nga mga dulaan karong adlawa, uban ang ilang kinaiya nga makaraan, maoy sama sa tinamdan sa daghang batan-on bahin sa kaminyoon—maayo samtang kini nagalungtad pa, unya kini ikalabay lamang. Kini nagapasiugda sa inseguridad sa daghang batan-on.”