Gagming nga mga Liso, Higanteng Kakahoyan

Ang kinadagkoan (apan dili ang kinahabogan) nga kakahoyan sa kalibotan mao ang higanteng mga sequoia. Ang higanteng sequoia nga kakahoyan may aberids nga gihabogon nga duolag 250 ka tiil.a Ang kinadak-an kanila, ang General Sherman, General Grant, ug ang Boole Tree anaa sa sulod o duol sa Sequoia ug Kings Canyon nasyonal nga mga parke sa California, T.B.A. Sila maoy gikan sa 27 ngadto sa kapin ug 30 ka tiil sa gibag-on sa 4 ka tiil ibabaw sa yuta.

Talagsaon usab mao kining kamatuorana, sumala sa gipahayag sa basahong Discovering Sierra Trees, ni Stephen F. Arno: Ang lawas sa General Sherman sa gihapon maoy 17 ka tiil sa diametro sa usa ka puntong 120 tiil ibabaw sa yuta! Kining kahoya maoy 272 ka tiil sa gihabogon, ug ang iyang unang dakong sanga nagapataas kaayo nga kini makaabot sa kapin sa 12-andanang opisina. Kining sangaha maoy 7 ka tiil sa gibag-on ug 125 ka tiil sa gitas-on.

Apan ang liso sa sequoia gaming kaayo nga kinahanglan ang 91,000 aron makaabot sa usa ka libra! Itandi kana sa dili kaayo dako nga kahoyng pino nga Digger nga mahimong moabot sa gihabogon nga 60 ka tiil lamang ug sa diametrong 2 ka tiil ug bisan pa niana kinahanglan lamang ang 750 ka liso niana aron makaabot sa usa ka libra.

[Mga footnote]