Gikan sa Among mga Magbabasa

llimnong Makaluwas ug mga Kinabuhi

Buot nakong ipahayag ang akong pasalamat sa inyong tukma-sa-panahong artikulong “Ang Paratong llimnon nga Makaluwas ug mga Kinabuhi!” (Pebrero 22, 1986 sa Cebuano) Ang duha ko ka anak babaye kanunay maospital tungod sa pagkamawad-ag tubig tungod sa usa ka sulirang panglawas gitawag A. C. Syndrome. Gisulayan ko kining ilimnona sa akong kinamanghorang anak babaye sa dihang siya nagsakit. Kini mao ang solusyong ihatag kanila kon anaa sa ospital, ug kini nakaluwas sa ilang mga kinabuhi sa daghang panahon. Salamat na usab sa maong impormasyon, nga labing nakatabang kanako ug sa daghan pang uban.

C. R. C., Indiana

Ang Iglesya Katolika ug ang Kaminyoon

Ang inyong pagtuo sa baroganan sa Katolisismo bahin sa sekso sayop ug, grabe pa, nagapakaulaw ug insulto. (Marso 8, 1986 sa Cebuano) Sayop kamo kaayo nga kini kataw-anan. Inyong gihulagway ang tanang Katoliko ingong sad-an kon bahin sa sekso, nga bug-os kataw-anan usab.

F. P., Colorado

Ang inyong mga artikulo mahitungod sa “Ang Iglesya Katolika—Ang Hunahuna Niini sa Sekso” makapapukaw. Kining magasina nakapatingala sa daghan. Inyong napasabot pag-ayo ang inyong punto pinaagi sa paggamit sa Katolikong mga librong reperensiya. Palihog ipadala kanako ang dugang detalyadong impormasyon bahin sa Katolikong mga reperensiyang basahon. Ang inyong magasin gibasang regular niining debotadong Katoliko.

P. W., Alabama

Buot ko lang sultihan kamo unsa ka dako sa akong pasalamat sa inyong artikulong “Ang Hunahuna sa Bibliya Bahin sa Sekso.” Ako gimatuto nga Katoliko, ug sa pagkatin-edyer, gisulayan ko ang pagbanabana kon unsay buot kong buhaton sa akong kinabuhi, magminyo ug magpamilya o mag-alagad sa Diyos pinaagi sa pagmadre. Gipili ko ang pagminyo, apan bisan pa niadto gibati kong daotan ang pagpakigsekso sa akong bana. Kining artikuloha nakatabang kanako sa pag-amgo sa pipila ka hinungdan nga gibati ko kadto. Sa akong hunahuna ang mga kasulatan niining artikuloha motabang kanako nga mahimong labi pang timbang.

B. J., Arkansas

Sa inyong isyu bahin sa “Ang Iglesya Katolika—Ang Hunahuna Niini sa Sekso” inyong gipakita ang usa ka kapsiyong nag-ingon, “Ang simbolo ni Maria naglangkit sa Kristiyanidad sa karaang mga relihiyon ug mga inahang diyosa,” apan inyong gipakita uban sa kapsiyon ang hulagway ni Santa Teresa.

P. G., Pransiya

Pasayloa kami. Ang sayop nga ilustrasyon napili alang sa maong kapsiyon.—CD.

Pag-abusar sa Bata ug Krimen

Palihog ipadala ang 30 ka kopya sa inyong isyu bahin sa “Pag-abusar sa Bata.” (Hunyo 22, 1985 sa Cebuano) Ang kapitan nga detektib sa departamento sa among kapolisan sa lungsod nakaangay kaayo sa artikulo ug buot nga kana maapod-apod ngadto sa iyang buro sa kabatan-onan. Ang laing kapitan nagpasukad sa daghan niyang lektura sa inyong isyu bahin sa krimen. (Enero 8, 1986 sa Cebuano) Daghan sa mga tigpatrolya ug ang hepe nakadawat sa mga kopya nianang duha ka magasin.

D. C., Connecticut

“Mga Batan-on Nangutana . . . ”

Kining mga artikuloha nakatabang gayod sa pagpauswag sa komunikasyon tali sa mga batan-on ug mga ginikanan. Tinuod, kon wala kining linaing mga artikulo, ang among mga batan-on dili unta mahimong mapadayganon kanamo karon.

L. C., Arkansas