Ang Katingalahan sa Pinong mga Piraso sa Niyebe

Wala ka ba mahibulong sa milyonmilyong pino, samag balhibong mga yelong mangatagak sa panahon sa pag-ulan ug niyebe? Manglupad sa hangin sa usa ka oras o kapin pa, ang kada piraso sa pinong niyebe mahimong obra-maestra sa pagkabuhat. Sa katingad-anan, walay duha nga nadiskobrehang managsama, ug dunay daghang mga kombinasyon sa mga desinyo nga nagsugyot nga wala gayoy sama niini nga diskoberiya. Bisan pa, ang tanan may unom ka eskinang porma!

Nganong ang tanang piraso sa niyebe may unom ka eskina o mga bukton? “Nagtuo ang mga tawo nga kini duna gayoy usa ka butang nga anaa sa tunga nga nagakontrolar sa pinong piraso sa niyebe nga nagasulti kanilang tanan sa pagbuhat niining nga butanga,” miingon si Dr. James S. Langer sa Institute for Theoretical Physics sa Santa Barbara, California.

Sa dugang nga pagtuon sa mga siyentipiko sa pinong piraso sa niyebe, dugang nga sila nakaapresyar, sama sa gitaho sa “The New York Times” sa Enero 6, 1987: “Nagasunod ang pinong mga piraso sa niyebe ug mga balaod sa matematika nga katingalahan ang pagkahait sa salabotan.” Dili ka ba mouyon nga ang pinong mga piraso sa niyebe maoy pasidungog sa kaalam sa ilang Magbubuhat? “Kay siya nagaingon sa niyebe, ‘Mangatagak ka sa yuta.’”—Job 37:6.

[Tinubdan sa Letrato sa panid 31]

Pinong mga piraso sa niyebe, Bentley ug Humphreys