ESTEMOA, ESTEMO

[lagmit, Dapit sa Pagpatalinghog [nga mao, sa pulong sa Diyos]].

1. Anak nga lalaki ni Isba o, lagmit, usa ka lungsod sa Juda nga daghan sa mga molupyo niini naggikan kang Isba.​—1Cr 4:17.

2. Usa ka Maacatnon ug kaliwat ni Hodias.​—1Cr 4:19.

3. Usa ka lungsod sa bukirong rehiyon sa Juda, gitawag usab ug Estemo. Bisan ug sa sinugdan kini gihatag ngadto sa Juda, human niadto kini gipahat, lakip sa mga sibsibanan niini, ngadto sa mga Levihanon. (Jos 15:50; 21:14; 1Cr 6:57) Kini maoy katumbas sa modernong balangay sa es Samuʽ (Eshtemoaʽ), nga nahimutang nga mga 15 km (9 mi) sa HHK sa Hebron. Tingali kini mao ra usab ang Num. 1.

Ang Estemoa maoy usa sa mga dapit nga nagkanunayan si David ingong usa ka kagiw, ug human sa iyang kadaogan batok sa bandido nga mga Amalekanhon, siya nagpadalag usa ka gasa gikan sa mga inagaw ngadto sa iyang mga higala didto.​—1Sa 30:26-28.