GEDOR

[Paril nga Bato].

1. Ang anak nga lalaki ni Jeiel sa lungsod sa Gabaon. Usa ka sakop sa tribo ni Benjamin, siya maoy uyoan-sa-tuhod ni Haring Saul.​—1Cr 8:29-31; 9:35-39.

2. Usa ka anak nga lalaki ni Penuel sa tribo ni Juda.​—1Cr 4:4.

3. Usa ka anak nga lalaki ni Jered sa tribo usab ni Juda. Lagmit nga kini maoy ngalan sa usa ka lungsod.​—1Cr 4:18.

4. Usa ka lungsod sa bukirong rehiyon sa Juda. (Jos 15:​48, 58) Gituohang kini mao ang Khirbet Jedur nga mga 12 km (7.5 mi) sa A sa Hebron. Lagmit nga kini usab ang gitumong sa 1 Cronicas 4:18. Sanglit ang Soco ug Zanoa gihisgotan sa mao ra usab nga bersikulo, nga parehong makaplagan sa ubang teksto ingong ngalan sa mga lungsod, gituohan sa pipila nga ang Gedor lagmit usa usab ka lungsod diin si Jered mao ang magtutukod, o “amahan.”

5. Usa ka lungsod nga gihisgotan maylabot sa mga kalihokan sa mga Simeonhon. (1Cr 4:​24, 39) Sa Gregong Septuagint kini mabasa nga “Gerar.”​—Tan-awa ang GERAR.

6. Usa ka dapit sa Benjamin. (1Cr 12:​1, 2, 7) Gituohang nahimutang kini sa Khirbet el-Gudeira, mga 16 km (10 mi) sa AK sa Jerusalem.