EUNICE

[gikan sa lintunganayng pulong nga nagkahulogang “pagdaog”].

Usa ka magtutuong babaye nga Hudiyo, ang anak ni Loida. Siya ang asawa sa usa ka dili-magtutuong Grego ug ang inahan ni Timoteo. (Buh 16:1) Lagmit nahibalag gayod ni apostol Pablo si Eunice didto sa Listra sa Asia Minor panahon sa iyang unang misyonaryong panaw ug unya, ingong resulta sa iyang pagsangyaw, siya ug ang iyang inahan nga si Loida nahimong mga Kristohanon. (Buh 14:4-18) “Walay pagkasalingkapaw” ang pagtuo ni Eunice. (2Ti 1:5) Bisag naminyo sa usa ka paganong bana, siya maoy maayong panig-ingnan sa pagtudlo sa iyang anak nga lalaking si Timoteo “sa balaang mga sinulat” sukad pa sa iyang “pagkamasuso,” ug sa dihang si Eunice nahimong Kristohanon, siya sa walay duhaduha nagtudlo kaniya subay niana. (2Ti 3:15) Sanglit Grego ang bana ni Eunice, si Timoteo wala ipatuli sa iyang mga ginikanan.​—Buh 16:3.