HAMAT-ZOBA

Kining dapita mopatim-awng gisakop ni Solomon ug busa gihisgotan diha sa iyang bugtong pagpakiggubat nga gipunting sa Kasulatan. (2Cr 8:3) Ang tukmang nahimutangan sa Hamat-zoba dili matino. Ang Hamat ug Zoba lagmit nga magkasikbit nga mga gingharian (itandi ang 1Cr 18:9; 2Cr 8:4), nga tungod niana namugna ang linangkob nga ngalang “Hamat-zoba.” Giilustrar diha sa 1 Cronicas 6:78 nga ang duha ka managsilingang dapit mahimong langkobon niining paagiha. Sa Hebreohanon kining tekstoha sa literal mabasa nga “Jordan Jerico,” o “Jordan sa Jerico,” ug kasagarang gihubad nga “Jordan didto sa [duol sa] Jerico.”​—NW, RS, KJ.