HORONAIM

[lagmit, Duha ka Lungag [nga mao, mga langob]]. Usa ka dapit sa Moab nga lakip niadtong mga dapit nga gihisgotan nga makaagom sa paghukom ni Jehova. (Isa 15:​1, 5; Jer 48:​1, 3, 5, 34) Ang tukmang nahimutangan niini dili matino. Apan, ang posibleng kahulogan sa ngalan niini mitultol sa pipila sa pagpangagpas nga ang Horonaim mao ang el-ʽIraq (nagkahulogang “Langob”), nga nahimutang sa mga 490 m (1,600 p) ubos sa lebel sa Moabihanong patag ibabaw sa bukid ug mga 18 km (11 mi) sa S sa habagatang tumoy sa Patayng Dagat. Ang Horonaim tingali mao ra ang “Hauronen” nga gihisgotan sa Bato sa Moab ingong nasakop sa pagpakiggubat ni Mesa nga hari sa Moab.