JADE

Usa ka gahi, lig-on, sagad berde-ug-bulok nga batong pahiyas nga gigamit ingong alahas ug mga kinulit; ang Hebreohanong pulong niini maoy ya·shephehʹ. Ang jade may duha ka magkalahing matang sa mga minerales, ang “nephrite” ug “jadeite.” Ang nephrite maoy labing komon nga matang. Nagkadaiya kini gikan sa pagkasihagon ngadto sa pagkadagtomon ug adunay mga bulok nga lugom-berde, itom, abohon, dalag, ug puti. Ang jadeite mas bililhon kay sa nephrite tungod sa mas maanindot nga bulok niini ug talagsa ra. Ang jade sayon kaayong kuliton tungod sa komposisyon niini.

Ang maanindot nga batong jade nga may ngalan sa usa sa 12 ka tribo sa Israel nga gikulit diha niini nagdayandayan sa “tabon sa dughan sa paghukom” nga gisul-ob sa Hataas nga Saserdoteng si Aaron, nga gipahimutang sa ikatulong dapit sa ikaupat nga laray sa mga bato. (Ex 28:​2, 15, 20, 21; 39:​9, 13, 14) Ang jade gilakip usab sa bililhong mga bato nga nagdayandayan sa “tabon” sa hari sa Tiro.​—Eze 28:​12, 13.