JOA

[Si Jehova Maoy Igsoon (Kauban)].

1. Usa sa mga Levihanong magbalantay-sa-ganghaan nga gitudlo sa pagbantay sa mga balay-tipiganan sa adlaw ni David; ang ikatulong anak nga lalaki ni Obed-edom.​—1Cr 26:​1, 4, 12-15.

2. Usa ka Levihanon nga naggikan kang Gersom (Gerson); anak nga lalaki ni Zima. (1Cr 6:​1, 19b-21) Lagmit siya mao ra ang Joa kinsa, kauban sa iyang anak nga lalaki, mitabang sa paglabay sa mahugaw nga mga butang nga gikuha ni Ezequias gikan sa templo sa sinugdan sa iyang paghari.​—2Cr 29:​1, 3, 12, 16.

3. Usa sa tulo ka membro sa komite nga gipadala ni Haring Ezequias aron mamati sa isulti sa Asiryanhong mensahero nga si Rabsake apan sila dili motubag sa mga sumbong ug mga pagpanghambog ni Rabsake. Apan, si Joa ug ang iyang duha ka kauban mihangyo kang Rabsake nga makigsulti kanila sa Siryanhong pinulongan, nga niana sila makasabot, inay sa pinulongan sa mga Hudiyo nga masabtan sa uban diha sa paril sa siyudad. Ginisi ang ilang mga besti, ilang gitaho ang iyang mga hulga ngadto kang Ezequias. (2Ha 18:​18, 26, 36, 37; Isa 36:​3, 11, 21, 22) Ang pagtagik sa teksto nga, “si Joa nga anak nga lalaki ni Asap nga tigtala,” mahimong sabton nga si Joa o si Asap mao ang “tigtala,” apan lagmit gayod nga si Joa ang naghupot niini nga katungdanan, sama sa iyang duha ka kauban nga gihubit usab pinaagi sa ilang katungdanan.

4. Ang tigtala nga pinaagi kaniya si Haring Josias nagpadala ug salapi ngadto sa mga trabahante aron ayohon ang templo; anak nga lalaki ni Joahaz.​—2Cr 34:8-11.