JOBAB

1. Usa ka kaliwat ni Sem pinaagi kang Joktan. (Gen 10:​21, 25, 29; 1Cr 1:23) Ang eksaktong dapit nga gipuy-an sa mga kaliwat ni Jobab wala masayri karong adlawa.

2. “Anak nga lalaki ni Zera nga taga-Bozra”; usa ka Edomhanong monarko nga nagmando sa wala pa magmando si Saul ingong unang hari sa Israel. Si Jobab ang mipuli sa trono ni “Bela nga anak nga lalaki ni Beor.”​—Gen 36:31-34; 1Cr 1:43-45.

3. Hari sa Madon, usa ka siyudad sa amihanang Palestina. Si Jobab ug ang ubang mga monarko miduyog kang Jabin nga hari sa Hazor sa pagsulong sa mga Israelinhon apan napildi dapit sa katubigan sa Merom.​—Jos 11:1-8; 12:19.

4. Anak nga lalaki sa Benjaminhong si Saharaim pinaagi sa iyang asawa nga si Hodes.​—1Cr 8:​1, 8, 9.

5. Usa ka kaliwat sa Benjaminhong si Saharaim pinaagi kang Elpaal.​—1Cr 8:​1, 8, 11, 18.