ZERA

[lagmit pinamubo sa Zeraias].

1. Usa ka Edomhanon nga sultan. Si Zera mao ang anak nga lalaki ni Reuel ug apo ni Esau ug Basemat nga anak nga babaye ni Ismael. (Gen 36:​3, 4, 13, 17; 1Cr 1:37) Lagmit nga mao ra ang Num. 2.

2. Amahan sa ikaduhang Edomhanon nga hari nga si Jobab; siya maoy taga-Bozra. (Gen 36:33; 1Cr 1:44) Lagmit nga mao ra ang Num. 1.

3. Usa ka anak nga lalaki ni Juda ug Tamar; kaluhang igsoon ni Perez. (Gen 38:27-30; Mat 1:3) Si Zera maoy usa niadtong “miuban kang Jacob sa Ehipto.” (Gen 46:​12, 26) Ang iyang lima ka anak nga lalaki (1Cr 2:​4, 6) midaghan ingong usa ka banay diha sa tribo ni Juda (Num 26:20) ug sa ulahi naglakip sa mga tawo sama kang Acan (Jos 7:​1, 17, 18, 24; 22:20), sa duha ka pangulo sa kasundalohan ni David (1Cr 27:​11, 13), ug sa pipila ka pumoluyo sa Jerusalem human sa pagkadestiyero (1Cr 9:​3, 6; Neh 11:​22, 24).

4. Usa ka anak nga lalaki ni Simeon ug ang nagpundar sa usa ka banay niana nga tribo. (1Cr 4:24; Num 26:​12, 13) Siya gitawag ug Zohar sa Genesis 46:10 ug Exodo 6:15.

5. Usa ka kaliwat ni Gerson (Gersom) nga anak nga lalaki ni Levi. (1Cr 6:​16, 20, 21; itandi ang Gen 46:11.) Sa 1 Cronicas 6:41 lagmit gihisgotan ang mao ra nga tawo.

6. Usa ka Etiopianhon, o Cusihanon, nga nangulo sa usa ka dakong panon sa kasundalohan nga may usa ka milyon ka tawo ug 300 ka karo paingon sa Juda panahon sa paghari ni Asa niadtong 967 W.K.P. Si Zera nakaagom ug kapildihan, ug ang iyang kasundalohan nga mikalagiw gigukod ug gipamatay “hangtod sa Gerar.” (2Cr 14:​1, 9-15) Nagpabiling dili matino kon si Zera mao ba ang usa ka Ehiptohanon o Etiopianhong magmamando nga nailhan sa sekular nga kasaysayan.