LICIA

Usa ka bukirong rehiyon diha sa HK nga baybayon sa Asia Minor. Dapit sa AK sa Licia nahimutang ang Caria; dapit sa A, ang Frigia ug Pisidia; ug dapit sa AS, ang Pamfilia. Ang kabukiran diha sa teritoryo sa karaang Licia maoy mga lawis sa Kabukiran sa Taurus. Ilabina sa sidlakang bahin sa rehiyon, kini halos anaa na sa baybayon. Ang mga walog sa suba, ilabina nianang sa Xanthus (modernong Koca), maoy tabunok. Diha sa kabungtoran milambo ang katanoman, ug ang kabakiliran maoy sibsibanan sa mga karnero.

Ang duha ka siyudad sa Licia, ang Patara ug Mira, espesipikong gihisgotan maylabot sa mga panaw ni apostol Pablo. Apan walay rekord nga siya misangyaw didto.​—Buh 21:1; 27:5.