MEUNIM

Pinasukad sa ngalan, ang mga Meunim giisip nga usa ka katawhang Arabianhon nga nagpuyo diha ug sa palibot sa Maʽan, usa ka siyudad nga mga 32 km (20 mi) sa SHS sa Petra.

Ang Judeanhon nga si Haring Uzzias (829-778 W.K.P.), pinaagi sa tabang ni Jehova, malamposong nakiggubat sa mga Meunim. (2Cr 26:​1, 7) Lagmit sa maong panahon ang pipila sa mga nabihag nga Meunim gihimong mga ulipon sa templo, ug busa, ang ilang mga kaliwat sa ulahi gitala lakip sa mga Netinim nga namalik gikan sa pagkadestiyero sa Babilonya.​—Esd 2:​1, 2, 43, 50; Neh 7:52; itandi ang Sal 68:18.

Sa panahon sa paghari ni Ezequias (745-717 W.K.P.) usa ka pundok sa mga Simeonhon ang milaglag sa nagpuyo sa tolda nga mga Meunim didto sa kasilinganan sa Gedor.​—1Cr 4:​24, 39-41; tan-awa ang AMMONIM.