MIGRON

[Giokanan].

Usa ka dapit “sa may utlanan sa Gibea” diin nagkampo si Haring Saul sa dihang gipatay ni Jonatan ug sa iyang tigdala sa armadura ang mga 20 ka tawo gikan sa nagkampong mga Filistehanon duol sa Mikmas. (1Sa 13:​16, 23; 14:​1, 2, 13-16) Ang Tell Miryam, mga 1 km (0.6 mi) sa KHK sa Mukhmas (Mikmas), gituohan nga lagmit mao ang Migron.

Sa Isaias 10:28 ang Migron gitagna nga maoy usa sa mga siyudad nga agian sa mga Asiryanhon sa ilang pagpaingon sa Jerusalem. Kay gihisgotan kini human sa Ai (Aiat) ug una pa sa Mikmas, mopatim-aw nga ang Migron nahimutang sa A, dili sa H sa Mikmas. Busa, gituohan nga adunay ikaduhang Migron (ang Makrun dapit sa AK sa Mikmas). Apan, kon ang Migron sa panahon ni Saul naglungtad pa gihapon, daw imposible nga aduna pay laing lungsod nga sama nianag ngalan nga may gilay-ong wala pay 3 km (2 mi). Busa ang tagna lagmit maoy pagtala lamang sa mga siyudad nga maapektohan sa pagsulong sa mga Asiryanhon ug nga wala maghisgot sa han-ay o lokasyon sa usa ka siyudad gikan sa laing siyudad. (Isa 10:​24, 28-32) Busa ang Migron sa Isaias 10:28 lagmit mao ra usab ang gihisgotan sa 1 Samuel 14:2.