NAARA

1. [Batang Babaye; Batan-ong Babaye]. Usa ka asawa sa Judeanhong si Ashur nga pinaagi kaniya si Ashur nakabaton ug upat ka anak nga lalaki.​—1Cr 4:​1, 5, 6.

2. [gikan sa lintunganayng pulong nga nagkahulogang “itaktak”].

Usa ka siyudad sa utlanan sa Epraim (Jos 16:​5, 7) nga gituohang mao ra usab ang Naaran. (1Cr 7:28) Ang Naara sagad gituohang mao ra usab ang No·o·rathʹ sa Onomasticon (136, 24) ni Eusebius. Mopatim-aw nga gitawag ni Josephus kining dapita nga Neara. Iyang giasoy nga katunga sa katubigan niini gipasimang aron sa pagpatubig sa mga palma duol sa palasyo ni Arquelao didto sa Jerico. (Jewish Antiquities, XVII, 340 [xiii, 1]) Gituohan nga lagmit mao kini ang Tell el-Jisr, mga 3 km (2 mi) sa AK sa Jerico.