NAPIS

[lagmit gikan sa lintunganayng pulong nga nagkahulogang “kalag”].

Ang ika-11 nga gitala sa 12 ka anak nga lalaki ni Ismael. (Gen 25:13-16; 1Cr 1:29-31) Ingong pangulo, siya usab nanguna sa usa ka Ismaelinhong tribo nga nagdala sa iyang ngalan ug lagmit nanimuyo sa teritoryo ubay sa S o sa AS nga utlanan sa Yutang Saad. Sa mga adlaw ni Saul, ang Israelinhong mga tribo ni Ruben, Gad, ug ang katunga sa tribo ni Manases nga nanimuyo sa S sa Jordan malamposong nakiggubat sa mga Hagrihanon ug sa ilang mga kaabin, lakip ang tribo ni Napis, ug nag-ilog sa daghan kaayong kahayopan ug katawhan. (1Cr 5:​10, 18-22) Ingon sa gituohan sa pipila ka eskolar, kining binihag nga mga Napisnon lagmit gipatrabaho ingong mga Netinim nga mga ulipon sa sangtuwaryo ug nga human makabalik gikan sa pagkadestiyero sa Babilonya ang ilang mga kaliwat gitawag nga mga anak nga lalaki ni Nepusesim, o Nepusim.​—Neh 7:​46, 52; Esd 2:​43, 50.