NISROK

Usa ka bathala nga gisimba ni Senakerib nga hari sa Asirya. Didto sa templo ni Nisrok gipatay ni Adramelek ug Sarezer ang ilang amahan nga si Senakerib. (2Ha 19:​36, 37; Isa 37:38) Gituohan sa daghang eskolar nga si Nisrok mao ang diyos-kalayo nga si Nusku, kinsa gituohan nga mitabang aron mapildi ang kaaway diha sa pagpakiggubat ug nag-alagad ingong mensahero sa mga diyos ingon man usa ka tigpatuman sa hustisya. Hinunoa, dili kapamatud-an karon nga si Nisrok mao ang usa ka iladong bathala sa Asirya.