ESTEFANAS

[gikan sa lintunganayng pulong nga nagkahulogang “purongpurong; dayandayang lukong”].

Usa sa hamtong nga mga membro sa kongregasyon sa Corinto, ang kaulohan sa Romanhong lalawigan sa Acaya sa habagatan sa Gresya. Si Pablo personal nga nagbawtismo sa panimalay ni Estefanas ingong mga “unang bunga” sa iyang ministeryo sa maong lalawigan. (1Co 1:16; 16:15) Mga lima ka tuig sa ulahi, sa mga 55 K.P., si Estefanas, duyog sa duha ka ubang igsoon gikan sa Corinto, miduaw kang Pablo sa Efeso, ug lagmit pinaagi kanila nga si Pablo nahibalo sa makapasubong mga kahimtang nga iyang gisulat diha sa iyang unang kanonikal nga sulat ngadto sa mga taga-Corinto. (1Co 1:11; 5:1; 11:18) Dugang pa, lagmit pinaagi usab sa ilang mga kamot nga kining sulata gipadala ngadto sa Corinto.​—1Co 16:17.