TARTAK

Kini nga bathala gisimba sa mga Avihanon nga gipapuyo sa hari sa Asirya sa teritoryo sa Samaria human niya idestiyero ang mga Israelinhon sa napulo-ka-tribong gingharian. (2Ha 17:31) Sumala sa Babilonyanhong Talmud, si Tartak pormag asno. (Sanhedrin 63b) Pinasukad sa pangagpas nga ang ngalang Tartak lagmit susama sa pulong nga tar-thakh (naglugitom nga kangitngit, bayani sa kangitngit) sa Pahlavi (Persianhon) nga pinulongan, gituohan nga si Tartak lagmit usa ka demonyo sa ubos nga mga rehiyon. Hinunoa, gawas sa daklit nga paghisgot kang Tartak diha sa Kasulatan, walay tinong ikasulti labot sa kinaiyahan niini nga bathala.