Tinuig nga Tigom

OKTUBRE 1, 1994

ANG TINUIG NGA TIGOM sa mga membro sa Watch Tower Bible and Tract Society of Pennsylvania himoon sa Oktubre 1, 1994, sa Assembly Hall sa mga Saksi ni Jehova, 2932 Kennedy Boulevard, Jersey City, New Jersey. Ang pasiunang tigom para sa mga membro lamang maoy sa alas 9:30 s.b., nga pagasundan sa katibuk-ang tinuig nga tigom sa alas 10:00 s.b.

Ang mga membro sa Korporasyon kinahanglang magpahibalo sa Opisina sa Sekretaryo karon sa mga kausaban sa ilang direksiyon sa puy-anan sa miaging tuig aron ang regular nga mga sulat sa pahibalo ug mga proxy makaabot kanila sa Hulyo.

Ang mga proxy, nga ipadala sa mga membro uban ang pahibalo sa tinuig nga tigom, igabalik aron makaabot sa Opisina sa Sekretaryo sa Sosyedad nga dili maulahi sa Agosto 1. Kada membro kinahanglang magkompleto ug magbalik sa iyang proxy sa walay langan, nga magpahayag kon siya makatambong sa tigom nga personal o dili. Ang impormasyong gihatag sa matag proxy kinahanglang tino niining puntoha, sanglit kini ang saligan sa pagtino kon kinsa ang makatambong sa personal.

Gidahom nga ang tibuok nga sesyon, lakip na ang pormal nga tigom pamatigayon ug mga taho, matapos sa ala 1:00 s.h. o lapas niana. Walay sesyon sa hapon. Tungod sa limitadong lugar, ang pagsulod maoy pinaagig tiket lamang. Walay kahikayan nga pagahimoon sa pagkonektar sa tinuig nga tigom pinaagig mga linya sa telepono ngadto sa ubang mga awditoryum.