Kon Unsay Isulti Labot sa mga Magasin

Ang Bantayanang Torre Okt. 15

“Unsay gikinahanglan aron makapatunghag mas maayo, mas malipayong kalibotan? [Tugoting motubag.] Gisulayan sa tawo ang lainlaing matang sa kagamhanan aron moarang-arang ang mga kahimtang. Apan matikdi ang hunahuna sa Diyos bahin niini. [Basaha ang Jeremias 10:23.] Kining artikuloha nagbutyag sa ‘Ang Yawi sa Malipayong Kalibotan,’ nga nagpakita kon sa unsang paagi kini haduol nang matuman.”

Pagmata! Okt. 22

“Mouyon ka ba nga ang mga tawo karon daw nagkinabuhi ubos sa dugang pagpit-os sukad masukad? [Tugoting motubag.] Ang Bibliya nagtagna niini. [Basaha ang 2 Timoteo 3:1.] Daghang tawo nakakaplag sa kinabuhi nga lisod kaayo mao nga sila nawad-ag paglaom. Kining magasina naghatag ug tinuod nga pagpalig-on. Gipakita niini kon unsaon sa pagbuntog sa kawalay-paglaom ug paghimo sa kinabuhi nga may kapuslanan.”

Ang Bantayanang Torre Nob. 1

Human isulti ang makapatugaw nga balita, mosukna: “Nganong ang mga tawo nagbuhat sa maong daotang mga butang? Kitang tanan kinahanglang mahibalo sa husto ug sayop, apan ang mga tawo nagabuhat gihapon ug daotang mga butang. Ngano? [Human motubag, basaha ang Pinadayag 12:9.] Kining magasina nagsaysay kon unsaon sa pagpanalipod sa atong kaugalingon pinaagi sa pag-amping sa atong tanlag.”

Pagmata! Nob. 8

“Lagmit mouyon ka nga kita nagkinabuhi sa mapintas nga mga panahon. [Human motubag, basaha ang 2 Timoteo 3:3.] Sagad ang ‘bangis’ nga mga buhat mahitabo bisan sa sulod sa pamilya. Kining artikuloha, ‘Tabang Alang sa Gikulata nga mga Babaye,’ nagtanyag ug mensahe sa paglaom. Hayan may nahibaloan ka nga ikapaambit mo kini.”