Kon Unsay Isulti Bahin sa mga Magasin

Ang Bantayanang Torre Okt. 15

“Tungod kay ang Diyos atua sa langit, nagtuo ang uban nga dili gayod kita makaila kaniya. Kana bay imong pagtuo? [Patubaga. Dayon basaha ang Juan 17:3.] Kining magasina nagpatin-aw kon sa unsang paagi kita makakuhag kahibalo bahin sa Diyos.”

Pagmata! Okt.

“Kadaghanan kanato namatyan nag mga minahal sa kinabuhi. Sa imong hunahuna aduna kaha kitay mahimo aron matabangan sila bisan patay na sila? [Patubaga.] Kining artikuloha naghatag sa tubag sa Bibliya nianang pangutanaha. Kini naghisgot usab bahin niining makapahupay nga saad.” Basaha ang Juan 5:28, 29. Dayon hisgoti ang artikulo nga magsugod sa panid 10.

Ang Bantayanang Torre Nob. 1

“Dunay daghang nagkasumpaking mga opinyon karon bahin sa pagmatuto ug bata. Sa imong hunahuna, makabaton kaha ang mga ginikanan ug kasaligang tambag? [Patubaga. Dayon basaha ang Salmo 32:8.] Kining magasina naghatag ug praktikal nga instruksiyon gikan sa Bibliya bahin sa pagmatuto sa bata.”

Pagmata! Nob.

“Naghunahuna ka ba nganong dunay daghan kaayong pag-antos kon duna pay mahigugmaon, matarong, ug gamhanan nga Diyos? [Patubaga.] Matikdi kon unsay giingon niining tekstoha bahin sa hinungdan sa pag-antos. [Basaha ang 1 Juan 5:19.] Kining magasina nagpatin-aw gikan sa Bibliya kon unsay ginahimo sa Diyos sa pagwagtang sa pag-antos.”