Kon Unsay Isulti Bahin sa mga Magasin

Ang Bantayanang Torre Sept. 15

Paghisgot ug lab-as nga mga balita nga nahibaloan sa inyong dapit. Dayon pangutana: “Sa imong hunahuna, kining tekstoha sa Bibliya tukma bang naghubit sa panahon karon nga kita nagkinabuhi? [Basaha ang 2 Timoteo 3:1, ug patubaga.] Kining artikuloha naghisgot sa mga ebidensiya nga kita nagkinabuhi na sa kataposang mga adlaw ug nagpakita kon unsay angay natong himoon.”

Pagmata! Sept.

“Daghan ang nagtuo nga kita gilalang. Ang uban nagtuo nga kita mitungha pinaagig ebolusyon. Unsay imong hunahuna? [Patubaga.] Matikdi kining sugyot nga makatabang kanato sa pagkab-ot sa hustong konklusyon. [Basaha ang Job 12:7, 8.] Kining espesyal nga gula sa Pagmata! naghisgot kon unsay atong makat-onan gikan sa kaalam ug disenyo nga makita diha sa kinaiyahan.”

Ang Bantayanang Torre Okt. 1

“Gipaningkamotan sa mga biologo ang pagwagtang sa sakit ug pagpalugway sa atong kinabuhi. Sa imong hunahuna, mabuhi kaha kita sa walay kataposan sa kadugayan? [Patubaga.] Matikdi ang rason kon nganong kita nangandoy ug mas taas nga kinabuhi. [Basaha ang Ecclesiastes 3:11.] Kining magasina nagpatin-aw kon nganong gilalang kita sa Diyos uban ang tinguha nga mabuhing walay kataposan.”

Pagmata! Okt.

“Halos ang tanan malingaw sa pagtan-aw ug telebisyon. Apan sa imong hunahuna, angay ba kitang magmapilion sa atong tan-awon? [Patubaga. Dayon basaha ang Proverbio 13:20.] Kining magasina naghisgot kon sa unsang paagi ang telebisyon nag-impluwensiya kanato, ug kini naghatag ug mga sugyot kon unsaon pagkontrolar ang atong batasan sa pagtan-aw.”