Kon Unsay Isulti Bahin sa mga Magasin

Ang Bantayanang Torre Sept. 15

“Buot kong mahibaloan ang imong opinyon bahin sa giingon dinhi. [Basaha ang Deuteronomio 32:4.] Nahibulong ka ba kon nganong kaylap kaayo ang pag-antos ug pagkadaotan kon ang Diyos gamhanan pa sa ngatanan ug matarong? [Patubaga.] Gipatin-aw niining magasina kon nganong gitugotan sa Diyos nga magpadayon ang pagkadaotan hangtod karon.”

Pagmata! Sept.

“Kadaghanan kanato gustong makabaton ug maayong panglawas ug taas nga kinabuhi. Sa imong hunahuna, ang pagbaton bag positibong tinamdan makaayo sa atong panglawas? [Patubaga. Dayon basaha ang Proverbio 17:22.] Gihisgotan niining artikuloha kon nganong angay natong ugmaron ang usa ka positibong tinamdan.” Ipakita ang artikulo sa panid 26.

Ang Bantayanang Torre Okt. 1

“Nakaingon ka na ba sukad sa imong kaugalingon, ‘Maayo pag wa to nako buhata da!’? [Patubaga.] Matikdi ang giingon dinhi kon nganong kitang tanan makahimo usahay ug mga desisyon nga ato rang basolan sa ulahi. [Basaha ang Jeremias 10:23.] Gipatin-aw niining magasina kon sa unsang paagi makatabang kanato ang mapuslanong mga tambag sa Bibliya sa paghimog maayong mga desisyon.”

Pagmata! Okt.

“Sa imong hunahuna, mas nameligro ba ang mga kabataan karon kay kaniadto? [Patubaga.] Daghan ang nagtuo nga kita nagkinabuhi na sa panahon nga gihubit dinhi. [Basaha ang 2 Timoteo 3:1-5.] Kining magasina naghatag ug mapuslanong mga sugyot kon sa unsang paagi mapanalipdan sa mga ginikanan ang ilang mga anak batok sa mga tig-among-among.”