Makaiikag nga Report sa Miaging Tuig

Si Jehova nga Diyos nag-inspirar kang propeta Isaias sa pagtagna: “Inay tumbaga ako magdalag bulawan, ug inay puthaw ako magdalag plata, ug inay kahoy, tumbaga, ug inay mga bato, puthaw.” (Isa. 60:17) Sa miaging tuig, atong nakita nga kining tagnaa padayong nagakatuman. Ang pag-ilis sa ubos nga klase sa materyal sa mas maayong klase nagpasabot ug pag-uswag. Sa samang paagi, ang mga Saksi ni Jehova nakasinati ug pag-uswag sa mga kahikayan sa ilang organisasyon niining panahon sa kataposan.—Mat. 24:3.