Nakita Nako Mismo sa Bibliya ang Tubag!

UNA nakong nadunggan ang kamatuoran dihang nag-eskuyla ko sa kolehiyo didto sa siyudad sa Kutaisi. Gisultihan ko sa akong silingan nga ang mga Saksi dili mogamit ug mga imahen ug dili motuo nga si Jesus ang Labing Gamhanang Diyos. Supak kaayo ni sa akong tinuohan ingong debotadong membro sa Orthodox Church.

Pagbalik nako sa among lugar sa Tsageri niadtong summer sa 1992, nasayran nako nga daghan pod diay mga Saksi didto. Pirmeng makadungog si Mama ug maayong mga impresyon bahin sa mga Saksi. Kay dili man ko ganahan sa mga Saksi, giingnan ko niya, “Adtoa sila aron imong mahibaloan kon unsay ilang ginatudlo.”

Duha ka payunir nga brader, si Pavle ug Paata, kanunayng mobisita sa among silingan. Kada duaw nila, daghan sa among silingan ang moduol aron maminaw ug mangutana. Busa miapil sab ko sa ilang panaghisgot. Dihang mangutana ko, ang mga brader moablig teksto sa Bibliya ug ila ning ipabasa nako. Dako kaayo tog epekto​—nakita nako mismo sa Bibliya ang tubag!

Wala madugay, miapil ko sa grupo nga giestadihan sa mga brader. Pagkasunod summer, napulo mi nga nabawtismohan. Sa ulahi, si Mama na poy na-Saksi.

Mapasalamaton kaayo ko kay gitubag sa mga brader ang tanan nakong pangutana ug akoy ilang gipabasa sa tubag diha sa Bibliya. Nakatabang to nako aron anam-anam nakong madawat nga sayop diay ang akong tinuohan kaniadto. Kay natabangan kaayo ko dihang akoy ilang gipabasa sa Bibliya, mao sab niy akong ginahimo sa pagtudlo sa mga tawo bahin sa kamatuoran!