AZARIAS

[Si Jehova Nagtabang].

1. Usa ka kaliwat ni Juda pinaagi ni Tamar; sakop sa balay ni Etan.​—1Cr 2:​4, 6, 8.

2. Usa ka Levihanon pinaagi ni Kohat; anak nga lalaki ni Sofonias ug katigulangan sa manalagnang si Samuel.​—1Cr 6:​33, 36.

3. Usa ka kaliwat ni Aaron sa linya ni Eleasar; anak nga lalaki ni Ahimaaz.​—1Cr 6:9.

4. Usa sa mga prinsipe ni Solomon. (1Ha 4:2) Siya gihisgotan ingong anak nga lalaki sa saserdoteng si Zadok; lagmit igsoon siya ni Ahimaaz.​—1Cr 6:8.

5. Anak nga lalaki ni Natan; ang prinsipe nga gitudlo ni Solomon ingong pangulo sa 12 ka luyoluyo nga gitugyanan sa pagtaganag pagkaon sa panimalay sa hari.​—1Ha 4:​5, 7, 19.

6. Usa ka manalagna, nga anak nga lalaki ni Oded, kinsa mitabang sa pag-awhag kang Asa niadtong 963 W.K.P. sa “pagpangita kang Jehova.” Ingong resulta, gihanaw sa hari “ang dulumtanang mga butang” gikan sa tibuok yuta ug gipailalom ang katawhan sa usa ka gipanumpaang pakigsaad, aron nga “si bisan kinsa nga dili mangita kang Jehova nga Diyos sa Israel pagapatyon.”​—2Cr 15:1-15.

7, 8. Duha sa pito ka anak nga lalaki ni Jehosapat, gitala nga ikaduha ug ikalima. Ang ilang amahan naghatag kanila ug daghang gasa ug kinutaang mga siyudad, apan sa dihang ang ilang magulang nga si Jehoram nahimong hari, kini nga mga anak gipamatay. (2Cr 21:1-4) “Layo rang tuohan [ingon sa gituohan sa uban] nga ang ngalan kaduha gamita tungod kay ang mga bata magsoon sa amahan lamang o tungod kay ang usa namatay samtang masuso pa.” (The Interpreter’s Dictionary of the Bible, giedit ni G. A. Buttrick, 1962, Tomo 1, p. 325) Dili kasagaran alang sa duha ka magsoon nga magkapareho ang ngalan, apan sa Hebreohanon adunay gamayng kalainan tali niining duha diha sa espeling ug sa paglitok, ʽAzar·yahʹ (“Si Jah Nagtabang”) ug ʽAzar·yaʹhu (“Si Jehova Nagtabang”).

9. Anak nga lalaki sa usa ka ginganlag Jehu ug amahan ni Helez; naggikan sa tribo ni Juda, pito ka kaliwatan ang kal-ang gikan sa iyang Ehiptohanong katigulangan nga si Jarha.​—1Cr 2:​3, 34-39.

10. Hari sa Juda, ang kamanghorang anak nga lalaki ni Jehoram ug Atalia; gitawag usab nga Jehoahaz ug Ahazias.​—2Ha 8:25-29; 2Cr 21:17; 22:​1, 6; tan-awa ang AHAZIAS Num. 2.

11. Anak nga lalaki ni Jeroham. Usa sa lima ka pangulo sa ginatos nga mitabang sa pagpukan sa mangingilog sa trono nga si Atalia ug sa pagpalingkod kang Jehoas sa trono sa Juda niadtong 898 W.K.P.​—2Cr 23:1-15.

12. Anak nga lalaki ni Obed. Usa sa lima ka pangulo sa ginatos nga mitabang sa pagpalingkod kang Jehoas sa trono puli sa mangingilog sa trono nga si Atalia niadtong 898 W.K.P.​—2Cr 23:1-15.

13. Hari sa Juda sulod sa 52 ka tuig (829-778 W.K.P.). Anak nga lalaki ni Amazias ug Jecolias. (2Ha 14:21; 15:​1, 2) Gitawag siya nga Uzzias sa 2 Hari 15:13.​—Tan-awa ang UZZIAS Num. 3.

14. Usa ka hataas nga saserdote, anak nga lalaki ni Johanan, kaliwat ni Aaron. (1Cr 6:1-10) Sa dihang si Haring Uzzias mapangahasong misulay sa paghalad ug insenso sa templo, tingali kini nga Azarias ang nagmando kaniya sa paggula, ug sa dihang siya midumili, si Jehova naghampak sa hari pinaagig sanla. (2Cr 26:16-21) Mga tulo ka dekada human mamatay si Uzzias, panahon sa unang tuig sa paghari ni Ezequias (745 W.K.P.), giila ni Azarias, nga nag-alagad gihapon ingong hataas nga saserdote (o ang lain nga pareho niyag ngalan), ang panalangin ni Jehova sa gihimong mga reporma sa hari.​—2Cr 31:​9, 10, 13.

15. Usa ka prinsipe sa Epraim, anak nga lalaki ni Jehohanan. Human pildiha ang Juda sa tungatunga sa ikawalong siglo W.K.P., gidala sa Israel pabalik ang 200,000 ka binihag sa dihang gipabuhian sila ni Azarias ug sa ubang mga prinsipe sa Epraim ug gitabangan sa materyal nga paagi sa ilang pagpauli.​—2Cr 28:5-15.

16. Usa ka kaliwat ni Levi pinaagi kang Kohat kansang anak nga lalaki nga si Joel mitabang sa paghinlo sa templo ubos sa sugo ni Ezequias sa 745 W.K.P.​—2Cr 29:1-12, 15.

17. Usa ka kaliwat ni Levi pinaagi ni Merari; anak nga lalaki ni Jehalelel; usa niadtong miduyog sa paghinlo sa templo sumala sa gimando ni Ezequias.​—2Cr 29:1-​12, 15.

18. Anak nga lalaki ni Meraiot; usa ka katigulangan ni Esdras.​—Esd 7:3.

19. Anak nga lalaki ni Hilkias nga hataas nga saserdote ubos ni Josias ug amahan ni Seraias (2Ha 22:​3, 4; 1Cr 6:​13, 14); katigulangan ni Esdras nga magkokopya.​—Esd 7:1.

20. Anak nga lalaki ni Hosaia. (Jer 43:2) Gitawag usab siya nga Jezanias (Jer 40:8; 42:1) ug Jaazanias (2Ha 25:23). Si Azarias maoy usa sa mga pangulo sa kasundalohan nga mipaluyo kang Gedalias (Jer 40:7-10); usa nga naghangyo kang Jeremias nga iampo sila aron sila giyahan (Jer 42:1-3); ug, sa kataposan, usa sa “mapangahasong mga tawo” nga misalikway sa tubag ni Jehova pinaagi sa baba ni Jeremias.​—Jer 43:1-3.

21. Usa sa mga batan-ong Hebreohanon nga gibihag ngadto sa Babilonya niadtong 617 W.K.P., kansang ngalan giilisdan ug Abednego, lagmit nagkahulogang “Alagad ni Nebo [usa ka diyos sa Babilonya].” (Dan 1:3-7) Human sa linaing tulo ka tuig nga pagbansay, si Azarias ug ang iyang mga kauban (si Daniel, Hananias, Misael) nakaplagan nga “napulo ka pilo nga mas maayo kay sa tanang salamangkerong saserdote ug mga diwatahan” sa Babilonya. (Dan 1:​5, 14-20) Gihulga siya primero nga patyon (Dan 2:13-18), unya gipatas-ag katungdanan ingong tagdumala (Dan 2:49), apan ang kinalabwang pagsulay sa pagkamaunongon ni Azarias kang Jehova miabot sa dihang siya gitambog ngadto sa gipainit pag-ayo nga hudno tungod kay wala siya mosimba sa larawan nga gipatindog ni Nabucodonosor. (Dan 3:12-30) Kay usa gayod ka tawo sa pagtuo, siya gipaila ni apostol Pablo ingong usa nga “nagpahunong sa puwersa sa kalayo.”​—Heb 11:34.

22. Usa nga mipauli sa Jerusalem uban ni Zorobabel niadtong 537 W.K.P. human sa pagkadestiyero sa Babilonya. (Neh 7:​6, 7) Gitawag nga Seraias sa Esdras 2:2.

23. Usa sa mga saserdote nga nagpuyo sa Jerusalem human sa pagkadestiyero. (1Cr 9:11) Sa usa ka samang talaan (Neh 11:11) ang iyang ngalan maoy Seraias. Lagmit mao ra ang Num. 22.

24. Anak nga lalaki ni Maaseias nga anak nga lalaki ni Ananias. Ubos sa pagdumala ni Nehemias, iyang giayo ang usa ka seksiyon sa paril sa Jerusalem duol sa iyang balay, sa 455 W.K.P.​—Neh 3:​23, 24.

25. Usa nga gitudlo ni Nehemias sa paglakaw kauban ni Esdras ug sa uban pa diha sa parada ibabaw sa gitukod pag-usab nga paril sa Jerusalem panahon sa inagurasyon niini; lagmit mao ra ang Num. 27.​—Neh 12:31-36.

26. Usa sa 13 ka Levihanon nga mitabang kang Esdras sa pagpatin-aw sa Balaod sa dihang gibasa kini ngadto sa katawhan.​—Neh 8:​7, 8.

27. Usa ka saserdote, o ang katigulangan sa usa ka tawo, nga sa mga adlaw ni Gobernador Nehemias nagpamatuod pinaagig timbre sa “kasaligang kontrata.”​—Neh 9:38; 10:​1, 2, 8.