ULAI

Usa ka “sapa” nga nagaagos latas o duol sa Susan (Susa) didto sa Elam. Ubay sa Ulai, si Daniel nakadawat sa panan-awon bahin sa laking karnero ug sa laking kanding. Dili matino kon ang manalagna aktuwal bang miadto didto gikan sa Babilonya o kaha gidala ngadto sa maong dapit pinaagi sa usa ka panan-awon. (Dan 8:1-3, 6, 16) Nagkadaiya ang mga pangagpas bahin sa Ulai, ug kini lisod nang matino tungod kay ang giagosan sa mga suba nga kasikbit niini daw nabag-o na latas sa kasiglohan. May usa ka pangagpas nga ang Ulai mao ang Suba sa Karkheh. Ang lain nag-ingon nga kini usa ka artipisyal nga kanal paingon sa A o sa AS sa Susan nga nagkonektar sa Karkheh ug sa laing suba.