• Tabangi ang mga Sister sa Inyong Kongregasyon
    Ang Bantayanang Torre (Tun-anan)—2020 | Septiyembre
    • Si Jesus naglingkod samtang nagtudlo. Si Marta ug Maria naglingkod sa iyang tiilan ug naminaw kaniya. Collage: 1. Magtiayon nga mibisita sa tigulang nga sister. Ang bana nakig-estorya niya samtang ang asawa nagplastar sa ilang gipamalit nga groseri. 2. Magtiayon nga nag-family worship uban sa sister ug sa anak niini. 3. Brader nagtabang sa duha ka sister pinaagi sa pag-ilis sa ligid sa ilang sakyanan.

      Sama kang Jesus, makapakita tag mahigugmaong pagtagad sa matinumanong mga sister (Tan-awa ang parapo 6-9)e

      6. Sumala sa Lucas 10:38-42, giunsa pagtabang ni Jesus si Marta ug Maria?

      6 Si Jesus nakig-uban sa mga babaye nga alagad sa Diyos, ug siya tinuod nilang higala. Tagda ang iyang pagpakighigala kang Maria ug Marta, nga dayag mga dalaga. (Basaha ang Lucas 10:38-42.) Sa pulong ug buhat, klaro nga gipabati ni Jesus kanila nga dali silang makaduol kaniya. Pananglitan, si Maria wala maulaw nga molingkod sa iyang tiilan ingong tinun-an.c Ug si Marta, dihang naglagot kay wala tabangi ni Maria, wala magduhaduha sa pagsulti kang Jesus sa iyang gihunahuna. Sa maong tapoktapok, gitabangan ni Jesus ang duha ka babaye nga makakat-on ug importanteng mga leksiyon. Ug gipakita ni Jesus nga gimahal niya kini nga mga babaye ug ang ilang igsoon nga si Lazaro pinaagi sa pagbisita kanila sa uban pang higayon. (Juan 12:1-3) Busa dili ikatingala nga dihang grabeng nasakit si Lazaro, nahibalo si Maria ug Marta nga makapangayo silag tabang kang Jesus.​—Juan 11:3, 5.