3. Ampingi ang imong panglawas

Ang dedikadong mga Kristohanon naggamit sa tanang bahin sa ilang kinabuhi sa pag-alagad kang Jehova. Sama rag ilang gipresentar ang ilang lawas ingong halad ngadto sa Diyos. Basaha ang Roma 12:1, 2, ug dayon hisgoti kini nga mga pangutana:

• Unsay angayng magpalihok nimo nga ampingan ang imong panglawas?

• Unsa ang mga paagi nga imo nang mahimo?

Daghan na kag nakat-onan bahin kang Jehova pinaagi sa pagtuon sa Bibliya. Tingali naa na kay gihimong mga kausaban sa pagpadapat sa imong nakat-onan. Pero basin naay nakapugong nimo sa pagpahinungod sa imong kaugalingon kang Jehova ug sa pagpabawtismo. Hisgotan niini nga leksiyon ang kasagarang makapugong sa pagpabawtismo ug kon unsay imong himoon aron dili ka mapugngan niini.

1. Unsa ka daghan ang kinahanglan nimong mahibaloan una ka mabawtismohan?

Aron mabawtismohan ka, kinahanglan nga naa kay “tukmang kahibalo sa kamatuoran.” (1 Timoteo 2:4) Wala ni magpasabot nga kinahanglang mahibalo ka sa tubag sa tanang pangutana bahin sa Bibliya sa dili pa ka mabawtismohan. Bisan ang mga Kristohanon nga dugay nang bawtismado, padayon gihapong nagkat-on. (Colosas 1:9, 10) Pero kinahanglan nimong masabtan ang pangunang mga pagtulon-an sa Bibliya. Ang mga ansiyano sa kongregasyon motabang nimo sa pagsusi kon naa na ba kay igong kahibalo.

2. Unsay kinahanglan nimong himoon una ka mabawtismohan?

Una ka mabawtismohan, kinahanglan kang ‘maghinulsol ug mobalik.’ (Basaha ang Buhat 3:19.) Nagpasabot ni nga basolan nimo pag-ayo ang bisan unsang sala nga imong nahimo ug hangyoon nimo si Jehova nga pasayloon ka. Kinahanglan pod nga determinado gyod kang dili na mobuhat ug daotan ug magkinabuhi sa paagi nga makapalipay sa Diyos. Dugang pa, moapil na ka sa mga kalihokan sa kongregasyon pinaagi sa pagtambong sa mga tigom ug sa pagsangyaw ingong dili bawtismadong magmamantala.

3. Nganong dili ka angayng magpapugong sa kahadlok?

Ang uban nahadlok nga dili nila matuman ang ilang gisaad kang Jehova. Tinuod, masayop ka usahay. Bisan gani ang matinumanong mga lalaki ug babaye nga gihisgotan sa Bibliya nasayop pod. Pero si Jehova wala magdahom nga dili masayop ang iyang mga magsisimba. (Basaha ang Salmo 103:13, 14.) Malipay siya kon maningkamot gyod ka nga himoon kon unsay husto! Iya kang tabangan. Gani, gipasaligan ta ni Jehova nga walay “makabulag nato gikan sa [iyang] gugma.”—Basaha ang Roma 8:38, 39.

TUN-IG DUGANG

4. Paningkamot nga mas mailhan nimo si Jehova

Unsa ka daghan ang kinahanglan nimong mahibaloan bahin kang Jehova una ka mabawtismohan? Kinahanglang naa kay igong kahibalo bahin niya nga tungod niana imo na siyang gihigugma ug gusto na nimong himoon ang makapalipay niya. I-play ang VIDEO aron imong makita kon giunsa na paghimo sa mga Bible study sa tibuok kalibotan. Dayon hisgoti ang mosunod nga pangutana:

VIDEO: Kon Unsay Himoon Aron Mokuwalipikar sa Bawtismo (3:56)

• Sa video, unsay nakatabang sa uban aron maandam sila sa pagpabawtismo?

Basaha ang Roma 12:2, ug dayon hisgoti kini nga mga pangutana:

• Naa ba kay pagduhaduha sa gitudlo sa Bibliya o kon kamatuoran ba ang gitudlo sa mga Saksi ni Jehova?

• Kon mao, unsay puwede nimong himoon bahin ana?

5. Ayaw papugong sa pagpabawtismo

Dihang modesisyon ta nga ipahinungod ang atong kaugalingon kang Jehova ug magpabawtismo, kitang tanan makaatubang ug kalisdanan. Ingong pananglitan, i-play ang VIDEO, ug dayon hisgoti ang mosunod nga mga pangutana:

VIDEO: Maatubang Nato ang mga Babag Pinaagi sa Atong Gugma Kang Jehova (5:22)

• Sa video, unsang mga babag ang kinahanglang atubangon ni Narangerel aron makaalagad kang Jehova?

• Sa unsang paagi ang iyang gugma kang Jehova nakatabang niya sa pag-atubang sa maong mga babag?

Basaha ang Proverbio 29:25 ug 2 Timoteo 1:7, ug dayon hisgoti kini nga pangutana:

• Unsay maghatag natog kaisog nga dili magpapugong sa pagpabawtismo?

6. Salig sa tabang ni Jehova

Si Jehova motabang nga mahimo nimo kon unsay makapalipay niya. I-play ang VIDEO, ug dayon hisgoti ang mosunod nga mga pangutana:

VIDEO: Tabangan Ka ni Jehova nga Diyos (2:50)

• Sa video, unsay nakapugong sa usa ka Bible study sa pagpabawtismo?

• Unsay iyang nakat-onan nga nagpalig-on sa iyang pagsalig kang Jehova?

Basaha ang Isaias 41:10, 13, ug dayon hisgoti kini nga pangutana:

• Nganong makasalig ka nga imo gyong matuman ang imong saad dihang magpahinungod ka?

7. Paningkamot nga molalom ang imong apresasyon sa gugma ni Jehova

Kon pirme nimong hunahunaon kon unsa ka dako ang gugma ni Jehova kanimo, mahimo kang mas mapasalamaton ug mas gusto nimo siyang alagaron hangtod sa hangtod. Basaha ang Salmo 40:5, ug dayon hisgoti kini nga pangutana:

• Unsa nga mga panalangin ni Jehova ang naapresyar kaayo nimo?

Si propetang Jeremias nahigugma kang Jehova ug sa iyang pulong, ug naapresyar gyod niya ang pribilehiyo nga magdala sa ngalan ni Jehova. Siya miingon: “Ang imong pulong nahimong kasadya ug kalipay sa akong kasingkasing, kay gitawag ko sa imong ngalan, Oh Jehova nga Diyos.” (Jeremias 15:16) Tubaga ang mosunod nga mga pangutana:

• Nganong espesyal nga pribilehiyo ang pagkahimong Saksi ni Jehova?

• Gusto ba nimong mabawtismohan ingong Saksi ni Jehova?

• Naa bay nakapugong nimo sa pagbuhat ana?

• Unsa kahay kinahanglan nimong himoon aron mokuwalipikar ka sa bawtismo?

SUMARYO

Sa tabang ni Jehova, kaya nimong atubangon ang bisan unsang babag sa pagpabawtismo.

Review

• Unsa ka daghang kahibalo sa Bibliya ang imong gikinahanglan una ka mabawtismohan?

• Unsang kausaban ang kinahanglan nimong himoon una ka mabawtismohan?

• Nganong dili ka angayng magpapugong sa kahadlok?

SUSIHA

Sayra kon unsay angayng basehanan sa imong desisyon sa pagpabawtismo.

“Andam Ka na Bang Magpabawtismo?” (Ang Bantayanang Torre, Marso 2020)

Sayra kon unsaon nimo pagsagubang ang espesipikong mga kalisdanan nga tingali nakapugong nimo.

“Unsay Nakapugong Nako sa Pagpabawtismo?” (Ang Bantayanang Torre, Marso 2019)

Tan-awa kon unsay gihimo sa usa ka lalaki aron maatubang niya ang dagkong babag sa pagpabawtismo.

Nganong Dili Pa Ka Magpabawtismo? (1:10)

Sa primero, ang lalaki nga ginganlag Ataa nagduhaduha sa pagpabawtismo. Tan-awa kon unsay nakakombinsir niya nga himoon ning importanteng desisyon.

Angayan ba Ko Ani nga mga Panalangin? (7:21)