Ang Tunghaan sa Teokratikanhong Ministeryo sa 2001
1 Adunay igong Kasulatanhong mga katarongan kon nganong kitang tanan kinahanglang bug-os nga makig-ambit kutob sa maarangan diha sa Tunghaan sa Teokratikanhong Ministeryo.—Prov. 15:23; Mat. 28:19, 20; Buh. 15:32; 1 Tim. 4:12, 13; 2 Tim. 2:2; 1 Ped. 3:15.
2 Ang programa sa senemanang pagbasa sa Bibliya maoy dugay nang bahin sa tunghaan. Kini nagkahulogan sa pagbasa ug mga usa ka panid sa Bibliya kada adlaw. Sugod niining tuiga, ang pagbasa sa Bibliya giasayn usab alang sa kada sinulat nga repaso nga semana. Ang suplemental nga pagbasa sa Bibliya, nga gieskedyul sa milabayng tulo ka tuig, nakompleto na. Apan kon buot nimong mobasa ug dugang sa Bibliya kay sa naeskedyul, makahimo ka man sa imong kaugalingong programa sa pagbasa.
3 Ang Asaynment Num. 2 mobansay sa mga igsoong lalaki alang sa “publikong pagbasa” sa Pulong sa Diyos. (1 Tim. 4:13) Kon aduna ka ing asaynment sa pagbasa, bansaya kana sa makusog nga sublisubli. Mahimong gamiton nimo ang audiocassette nga mga rekording sa Bibliya sa Sosyedad aron pauswagon ang imong paglitok, pag-usab-usab sa tingog, ug ubang mga bahin sa maayong pagbasa.
4 Ang Asaynment Num. 3 ug Num. 4 gipasukad sa librong Nangatarongan, nga giandam aron magamit sa ministeryo sa kanataran. Kon ang giasayn nga materyal daghan ra kay sa imong mahisgotan sulod sa gigahin nga panahon, pilia lamang kon unsa ang labing praktikal alang sa inyong teritoryo sa kongregasyon. Ang bisan unsang tagboanan nga haom sa inyong teritoryo mahimong gamiton.
5 Himoa ang tanang makataronganong panlimbasog sa pagtuman sa tanan mong asaynment sa tunghaan. Gahinig panahon aron makapangandam pag-ayo, ug sulti gikan sa imong kasingkasing. Ikaw mahimong tinubdan sa pagdasig sa kongregasyon, ug ikaw personal nga mabenepisyohan pinaagi sa bug-os-kasingkasing nga pagpakig-ambit diha sa Tunghaan sa Teokratikanhong Ministeryo sulod sa 2001.