Pagpauswag Sa Atong Kahanas Sa Ministeryo​—Pagtabang sa mga “Hustong Nakiling” nga Mahimong Tinun-an

KON NGANONG IMPORTANTE: Si Jehova ang magpatubo sa binhi sa kamatuoran diha sa kasingkasing sa mga “hustong nakiling alang sa kinabuhing walay kataposan.” (Buh 13:48; 1Co 3:7) Kita nagbuhat uban niya pinaagi sa pagpokus sa atong mga paningkamot sa ministeryo niadtong mga nagpadapat sa ilang nakat-onan. (1Co 9:26) Angayng masabtan sa mga Bible study nga gikinahanglan ang bawtismo aron maluwas. (1Pe 3:21) Tabangan nato sila nga mahimong tinun-an pinaagi sa pagtudlo kanila sa paghimog mga kausaban sa ilang kinabuhi, pagsangyaw ug pagtudlo, ug pagdedikar sa ilang kinabuhi kang Jehova.​—Mat 28:19, 20.

KON UNSAON PAGHIMO:

• Pahinumdomi ang mga Bible study nga ang katuyoan sa ilang pagtuon mao ang pagtabang kanila nga makaila kang Jehova ug mapalipay siya.​—Ju 17:3

• Tabangi sila nga mouswag sa espirituwal pinaagi sa pagtangtang sa mga babag, sama sa dili maayong mga bisyo ug kuwestiyonableng pagpakig-uban

• Palig-ona ug dasiga sila una pa ug human sa ilang bawtismo.​—Buh 14:22

TAN-AWA ANG VIDEO NGA TABANGAN KA NI JEHOVA NGA DIYOS, UG TUBAGA ANG MOSUNOD NGA MGA PANGUTANA:

• Unsay nakapugong sa uban nga idedikar ang ilang kinabuhi ug magpabawtismo?

• Sa unsang paagi ang mga ansiyano makatabang sa mga Bible study nga mouswag sa espirituwal?

• Unsay gitudlo kanato sa Isaias 41:10 bahin kang Jehova?

• Unsang mga hiyas ang makatabang nato sa pag-alagad kang Jehova sa dalawatong paagi, bisag dili ta hingpit?