BET-NIMRA

[Balay sa Leopardo].

Usa ka lungsod nga gipahat ngadto sa tribo ni Gad sa S nga bahin sa Jordan, gitawag usab nga Nimra. (Num 32:​3, 34, 36) Kini gihubit nga anaa sa “ubos nga patag” ug nga kanhi bahin sa gingharian ni Haring Sihon. (Jos 13:27) Ang karaang ngalan daw napreserbar pinaagi sa ngalan sa modernong Tell Nimrin, nga nahimutang sa H nga bahin sa Wadi Nimrin, apan ang orihinal nga dapit lagmit nahimutang sa Tell Bleibil, mga 2.5 km (1.5 mi) sa AS, sa A nga bahin sa Wadi Nimrin, diin ang mga pagsusi nagpamatuod nga kini giokupar sa panahon sa mga Israelinhon ug human niana kini gibiyaan. Busa kini nahimutang nga mga 19 km (12 mi) sa SAS sa Jerico.