Iei Met Sipwe Tongeni Apasa

Le Poputääni Käeöön Paipel lon ewe äeüin Ammol fän May

“Chommong aramas lon fönüach ei ra eäni ewe iotekin ‘Ach Samol.’ Lon ena iotek sia ioteki pwe mwuun Kot epwe feito. Ka fen ekieki ika met weween ena mwu? [Aüseling ngeni meefian.] Ei Leenien Mas a äweweei och pworaus mi fokkun amwarar usun ena mwu.” Älleanifengeni ewe pworaus lon ewe Leenien Mas, minen April 1, pekin taropwe 4, parakraf 1, fitifengen me ewe wokisin mi affatetiw. Mwirin, älleani parakraf 3. Anöünöü ngeni Ewe Leenien Mas me akkota le liwinsefäl.

Ewe Leenien Mas April 2011

“Chon Pwäratä Jiowa ra sillelo ren ar akkafalafal. Ka fen ekieki ika pwata äm aua föri ena angang? [Aüseling ngeni meefian.] Nengeni ei pworaus. [Älleani Mattu 24:14.] Ei Leenien Mas epwe pölüweni ekkeei kapas eis: Met weween ewe pworaus allim? Met weween ewe Mwuun Kot? Met weween än ewe sopwoloon epwele feito?”

Ewe Leenien Mas April 2011

“Kese tipeeü ngeni pwe ach älisi chon ach famili, ina wisach mi kon lamot seni meinisin? [Aüseling ngeni meefian] Ewe Paipel a affata ükükün lamotan. [Älleani 1 Timoti 5:8.] Nge iö kana chon ach famili ena wokisin a fosun? Itä wisen emön Chon Kraist an epwe awora tufichin chon an we eterenges lon osupwanger meinisin? Ei Leenien Mas epwe äweweei ifa usun ewe Paipel epwe pölüweni ekkeei kapas eis.” Eppii ngeni ewe pworaus mi poputä lon pekin taropwe 30.