Äeä Ekkeei Afalafal

Le Poputääni Käeöön Paipel lon ewe Äeüin Ammol fän May

“Chommong aramas ra meefi pwe Kot a etiwa meinisin än lamalam kewe lükü. Met meefiom usun ena? Pwata a lamot minne ka lükü? [Aüseling ngeni meefian.] Nengeni met ewe Paipel a apasa usun ei.” [Älleani Jon 8:32.] Eiti ngeni ewe chon imw ewe Leenien Mas, minen April 2012 me apasa, “Ei puk a äiti ngenikich lamoten ach sipwe silei ewe enlet. [Älleani ewe parakraf mwirin ewe wokisin seni Jon 8:32 lon pekin taropwe 7.] Ewe Paipel a äiti ngenikich ülüngät popun pwata a lamot minne sia lükü.” Älleani me äweweei ewe parakraf mwirin, me akkota le liwinsefäl me pworausfengen woon pwal ekkoch pworaus woon ena itelap.

Ewe Leenien Mas April 2012

“A wor chommong än aramas ekiek usun Jises. Ekkoch ra ekieki pwe i ewe Messaia mi pwonetiw. Ekkoch ra meefi pwe i emön chök mwan mi mürinnö. Nge ekkoch rese lükü pwe a fen manau woon fönüfan. Met meefiom usun ena? [Aüseling ngeni meefian.] Me ren Paipel, a lamot ach sipwe silei ewe enlet usun Jises. [Älleani Jon 17:3.] Ei puk a äiti ngenikich seni Paipel pölüwen ekkoch kapas eis mi chöüfetäl usun Jises.”

Poputääni Chon Käeö ren ewe Tract, Ka Mochen Silei ewe Enlet?

Eiti ngeni ewe chon imw ewe tract, Ka Mochen Silei ewe Enlet? me itini ekkewe kapas eis woon lükünpöön. Mwirin apasa: “Ikkeei ekkoch kapas eis mi mürinnö ewe Paipel a pölüwenöchü. Ka fen pin eäni ekkeei kapas eis?” Mwirin än ewe chon imw pölüweni, pworausfengen woon pölüwen ewe kapas eis a fili me mwaren älleani eü wokisin me lein ekkewe mi fen makketiw. Akkota le liwinsefäl le pworausfengen pwal eü kapas eis seni ewe tract.