Áeá Ekkeei Afalafal

Le Poputááni Káéén Paipel lón ewe Áeúin Ammól fán November

“Chómmóng ra lúkú pwe eú rán Kot epwe apwúngúúr ren féfférún kewe. Óm ekiek nge ewe Ránin Kapwúng ina eú mettóch sipwe mwétéresiti le kúna are sipwe niw ren? [Aúseling ngeni meefian.] Nengeni met ei puk a apasa.” Eiti ngeni ewe chón imw Ewe Leenien Mas minen October 1 me pwóróusfengen wóón ekkewe pwóróus fán ewe áeúin itelap kisikis lón pekin taropwe 16 me mwaren álleani eú wokisin. Anéúnéú ngeni ena puk me akkóta ineet kopwe liwiniti pwe oupwe pwóróus wóón pwal eú kapas eis.

Ewe Leenien Mas October 2012

“Lón chómmóng fénú wóón fénúfan, a fiffis kirikiringaw me aapaap ngeni ekkewe fefin. Nge pwal eú, lúkúen lamalam ra álisatá ena. Óm ekiek nge Kot a wesewesen áfánni ekkewe fefin? [Aúseling ngeni meefian.] Nengeni ifa usun Paipel a éúréúra ekkewe mwán pwúpwúlú ren féfférúr ngeni pwúlúwer kewe. [Álleani Efisos 5:28, 29.] Ei puk a áiti ngenikich met Paipel a pwáraaló usun ekiekin Kot ngeni ekkewe fefin.”

Ewe Leenien Mas October 2012

“Lón unusen uruwoon aramas, a fiffis féfférún efeiengaw me aapaap ngeni ekkewe fefin. Met meefiom ren ena? [Aúseling ngeni meefian.] Nengeni ifa usun Paipel a éúréúra ekkewe mwán pwúpwúlú ren féfférúr ngeni pwúlúwer kewe. [Álleani 1 Petrus 3:7.] Ei puk a áiti ngenikich seni Paipel usun án Kot me Jesus ekiek usun ekkewe fefin.”