Äeä Ekkewe Afalafal

Le Poputääni Käeöön Paipel lon ewe Äeüin Ammol fän August

“Chommong aramas ikenäi ra pwisin filatä minne mi pwüng me mwääl me rer, me ra mutatä sokkopaten föfför mi limengaw meinisin lon pekin lisowu. Om ekiek met meefien Kot usun ena mettoch? [Aüseling ngeni meefian.] Nengeni met ewe Paipel a apasa usun ena pworaus.” [Älleani Rom 12:9.] Eiti ngeni ewe chon imw Ewe Leenien Mas, minen July, me pworausfengen woon ekkewe ülüngät parakraf le poputään ewe lesen lon pekin taropwe 19 me eü are lap seni eü ekkewe wokisin lon Paipel. Anöünöü ngeni ewe puk, me akkota ineet kopwe liwinsefäl.

Ewe Leenien Mas July 2011

A mmen weires ngeni chommong ar repwe atufichi manauer, me ekkoch ra fen kon mwelele. Ka lükü pwe epwe wor eü fansoun pwe aramas resap chüen wöüngaw? [Aüseling ngeni. Mwirin, älleani Kölfel 9:18.] Ei puk a äweweei met a eselipa mwelele me met Paipel a apasa epwe ataweei ei osukosuk.”

Ewe Leenien Mas July 2011

“Lon ei fansoun, chommong ra wöüngaw, me ekkoch ra mään echik. Met om ekiek, Kot epwe äwesaalo än aramas mwelele? [Aüseling ngeni. Mwirin, älleani Kölfel 145:16.] Ewe Paipel a alükülükü ngenikich pwe Kot a wesewesen chchüngü chokkewe mi mwelele me epwele äwesaalo ar riäfföü. Ei puk a äweweei usun än Kot pwon pwe epwe unusen amoielo mwelele.”