March 22 Epwe Poputá Einetin ewe Taropween Etiwetiw fán Iten ewe Áchechchem

Epwe poputá lón Ammól March 22 lón ei ier, ach angangen etiwetiw ngeni ewe Áchechchem. A wor pesepes ngeni meinisin pwe sipwe unusen fiti. Lón Ammól me Ráninfel sipwe pwal anéúnéú ewe mineféén magazine ika mi tufich. Lón áeúin Ammól fán April, sipwe chék akkomwa le eineti ewe taropween etiwetiw nge esap wóón ach poputááni káéén Paipel. Iwe nge, ika sia chuuri emén mi pwári an mochen aúseling, eli sipwe sótun poputááni le káé ngeni. Ewe chónemmweni ewe angangen afalafal a tongeni filatá are epwe einet ewe taropween etiwetiw fansoun ach sipwe fiti afalafal lein chómmóng aramas pwe epwe álisi chón ewe mwichefel le etiwa chómmóng. Makkeetiw iten aramasom kewe, chienom chón angang, chón sukul me ekkewe aramas ka kan chuuriir me ekkewe ekkóch ka mochen etiwer. Mwirin kopwap ngeniir taropween etiwetiw atun ewe einet a poputá. Sia áneán pwe amwo chómmóng repwe etikich atun sipwe féri Áchechchemenien ekkewe ruu esissillen tong mi lapalap.—Joh. 3:16; 15:13.