Ika Emén Semirit A Wisen Etiwakich

Ika emén semirit a suuki ewe asam, sipwe tingorei ach sipwe fós ngeni seman me inan. Ei a pwári pwe sia súféliti án sam me in nemenem. (SF 6:20) Ika emén semirit a etiwakich le tolong, sisap tolong. Ika seman me inan rese nóm are rese tawe, sipwap liwin lón pwal eú atun.

Ika ewe nau mi ekis watte neman epwe 15 ngeni 19 ierin, a chúen lamot ach sipwe fós ngeni seman me inan. Ika rese nóm are rese tawe le fós ngonuk, sia tongeni eisini ika seman kewe me inan ra mutatá an epwe filatá menni puk are taropwe epwe álleani. Ika mi tufich, sia tongeni ngeni tract are puk are ereni usun jw.org.

Ika sia liwiniti emén sáráfé mi mochen aúseling, mi lamot sipwe tingorei ika sia tongeni chuuri seman kewe me inan. Ei a suuki ngenikich ach sipwe áweweei met popun sia chuuriir me áiti ngeniir ekkewe kapasen fén lón Paipel mi alúkúlúk me enlet fán iten famili. (Kf 119:86, 138) Ach pwári ach súféliti me áfánni ekkewe sam me in, ina eú minen pwáraatá mi éch ngeniir, me a suuki alen ach sipwe pwal afalafala ena famili lón pwal eú fansoun.​—1Pe 2:12.