MANAWEN CHÓN KRAIST
Sáráfé—Ousap Mmang le Tolong lón ewe “Asam Mi Suk Chöchöla”
A mecheres le ekieki pwe sipwe chék sássáráfé me sisap tongeni tikeri “ekewe rän mi ngau” kapachelong chinnap lón án Satan ei ótót. (SA 12:1) Ika en emén sáráfé kosap ekieki pwe mi watte óm fansoun ren óm kopwe eáni ekkewe angang fán iten Kot áwewe chék, ewe angangen afalafal full-time.
“Feiengaw a tori aramas meinisin” pachelong ámi kewe sáráfé. (SA 9:11, Kapasen God) “Ousap fen mwo nge silei met epwe fis ngeni manauemi lesor.” (Jas 4:14) Ina minne, ousap ékkéúraaló ámi achocho ngeni angangen Kot. Tolong lón ewe ‘asam mi suk chöchöla pwe oupwe föri ewe angang mi aüchea’ atun mi chúen suuk ngonuk. (1Ko 16:9) Kosap niamam ren ena mettóch.
Ekkóch mettóch kopwe achocho ngeni lón óm angang ngeni Jiowa:
Afalafal lón pwal eú fósun ekis
Angangen pioneer
Fiti ekkewe sukulen Paipel
Angangen kaútá
Angang lón Bethel
Angangen chónemmwen mi wisen sáifetál