Köl 25 (53)

Lapaloon An Kot Nemenem

(Aisea 9:​6, 7)

1. Mwareiti lapaloon an Kot nemenem!

Sa ingelo ren watten an angang.

Mi fiffis kolun mwareiti Jiowa

Ren kewe mi fetal fan an saram.

Lom lom a pwa poputaan an kkot mi fel

Lupwen Kraist a fetal won fonufan.

Iei ewe mwich mi lap a mwareiti

Jises mi nom peliemwanin Kot.

2. Kraist a sou apwung me emon king iei;

Muu me aramas ra u mwen mesan.

Epwele aueta an Kot nemenem

Ren an asu chon oput meinisin.

Sou Fon mi Mirit me Sam mi Tekia,

Kot mi Lap me Samolun Kinamwe,

An we achocho a wato kinamwe

Me pwal alapalo an nemenem.

3. Sa mmen feioch le manau lon ei fansoun!

Kese pwapwa ren lapen ach angang?

Kuna chengel seni foffor auchea

Me fiti ach angangen pwarata.

Ouroura kewe mi oput iten Kot;

Affata warotoon Armaketon.

Sipwe tinikken le esileifeili

Porausen ewe Muu ngeni chon pwung.