Köl 38 (85)

Jiowa Ach We Leenien Op

(Kol Fel 91:1, 2)

1. Sa luku Kot Jiowa,

Ach we leenien op.

Nonnom fan nurun we chok,

Sipwe kuna tumun.

Pun I epwe angasakich

Seni lon sser me ma mi lap.

Jiowa, ach imwen maun,

Epwe leenien ir mi pwung.

2. Inaamwo fite ngerou

Ra tur me unukkum,

O kit eu peli’fichum,

Kesap mwo feiengau.

Kesap niueiti och mi ngau,

Are och minen feiengau,

Mesom chok repwe kuner,

Opelo fan poun Kot kewe.

3. Kesap tur ren och weires

Are malapalap,

Pun Kot me kewe chonlang,

Repwe fen tumunuk.

Kopwe puratiu fan pecheom

Appanen laion, serpenit.

Likiitu lon om tuppwol,

Sap chepet ngeni fau pecheom.

4. Mwareiti Kot Jiowa;

Esilei an we pwung,

Pwal wisach, meinisin ach

Foffor sa tumunu.

Sipwe pwarata letip-eu;

Iwe, kuna manau me ren

Jiowa, ach imwen maun,

Sipwe opelo lon itan.