Met Mwiriloon Ar Aüseling ngeni Setan?

Atam me If rese älleasochisi Kot, ina popun, ra mälo. Keneses 3:6, 23

If a aüseling ngeni ewe serepenit, me a ocheei ewe föün irä. Mwirin, a ngeni Atam, iwe, a pwal ocheei.

Ra tipis pun ra älleasolapa Kot. Kot a asürolo seni leenier we, ewe Paratis.

A weires manauer me manauen nöür kewe. Ra chinnapelo me mälo. Rese feilo ngeni pwal eü leeni, nge ra chök morolo.

Ekkewe mi mälo ra usun chök ewe pwül, weween, esor manau rer. Keneses 3:19

Sia mälo pun kich meinisin mwirimwirin Atam me If. Ekkewe mi mälo rese tufichin küna, rong, are föri och mettoch.​—Än Salomon Afalafal 9:5, 6, 10.

Esap otaen Jiowa pwe aramas repwe mälo. Ekiselo chök, epwe amanauasefälietä chokkewe mi mälo. Ika ra aüseling ngeni, iwe, repwe manau tori feilfeilo chök.