Met Weween Ngonuk Än Jises Mälo?

Jises a mälo pwe sipwe tufichin küna manau. Jon 3:16

Ülüngät rän mwirin än Jises mälo, ekkoch fefin ra lo ren peiasan we, iwe, ra küna pwe a pöön. Jiowa a fen amanauatä Jises.

Mwirin, Jises a pwä ngeni nöün kewe aposel.

Ewer, Jiowa a amanauatä Jises pwe epwe wiliti emön chonläng mi pöchökkül. Mwirin, Jises a ewilaalo ngeni aramas fän iten an epwe pwä ngeni nöün kewe chon käeö, iwe, ra küna an a langetä.

Kot a amanauasefälietä Jises me a seikaatä pwe epwe Kingen an we Mwu. Taniel 7:13, 14

Jises a fangolo manauan pwe epwe awora ewe möön kepich fän iten aramas. (Mattu 20:28) Ren ena möön kepich, Kot a atufichi ach sipwe manau tori feilfeilo chök.

Jiowa a seikatä Jises pwe epwe Kingen unusen fönüfan. Epwe wor 144,000 aramas mi tuppwöl repwe manausefälitä seni fönüfan pwe repwe eti Jises le nemenem lon än Kot we Mwu lon läng.​—Pwäratä 14:1-3.

Än Kot we Mwu epwe ewili ei fönüfan ngeni eü paratis. Esap chüen wor maun, atai allük, mwelele, me echik. Aramas repwe enletin pwapwa.​—Kölfel 145:16.