Ineet ewe Fönüfan Epwe Wiliti Eü Paratis?

Ekkewe osukosuk woon fönüfan ra ännetatä pwe arapakkan chök, än Kot we Mwu epwe atoto paratis. Luk 21:10, 11; 2 Timoti 3:1-5

Ewe Paipel a fen oesini usun chommong mettoch mi fiffis lon ach ei fansoun. A erä pwe aramas repwe tongei moni, älleasolapa semer kewe mi iner, arochongaw, me efich pwapwaan fönüfan.

A pwal oesini pwe epwe wor chechchechin fönü mi watte, maun, lengita, me chöüfetälin semwen. Iwe, ekkeei mettoch ra fiffis iei.

Jises a pwal apasa pwe ewe kapas allim usun Mwuun Kot epwe esilefeil woon unusen fönüfan.​—Mattu 24:14.

Mwuun Kot epwe amoielo mettoch meinisin mi ngaw. 2 Piter 3:13

Arapakkan chök, Jiowa epwe arosalo meinisin aramas mi ngaw.

Setan me nöün kewe chonläng mi ngaw repwe küna kapwüng.

Chokkewe mi akkaüseling ngeni Kot repwe küna manau lon eü mineföön otot mi pwüng, ikewe ie esap chüen wor niuokkus, me aramas repwe lükülükfengen me tongfengen ie.