Met Óm Ekiek Usun ewe Paipel?
Kopwe itá erá pwe ina . . .
eú puken tipachemen aramas?
eú puken tuttulap me pwóróusen lóóm?
ewe Kapasen Kot?
MINNE EWE PAIPEL A APASA
“Ekewe Toropwe mi Pin meinisin ra pop seni . . . Kot.”—2 Timoty 3:16, Paipel are Testamentin Lom me Testament Söfö.
IFA USUN ENA PWÓRÓUS EPWE ÁLISUK
A pélúwenéchú ekkewe kapas eis mi lamot lón manawen aramas.—Än Salomon Fos 2:1-5.
A awora emmwen mi núkúchar fán iten manawen aramas iteiten rán.—Kölfel 119:105.
Eú wesewesen ápilúkúlúk fán iten mwachkkan.—Rom 15:4.
KICH MI TONGENI WESEWESEN LÚKÚ MET PAIPEL A APASA?
Ewer, ikkeei úlúngát popun:
A amwarar tipeeúfengenin. Lap seni 40 sókkopaten aramas ra makkeei ewe Paipel lap seni 1,600 ier. Chómmóng me leir rese mwo chufengen fán eú. Nge unusen ei puk a tipeeúfengen, fán eú chék itelap!
A wenechar uruwo lón. Ekkóch sou uruwo ra mwittir le túkúmaaló kkufun néúr kewe aramas. Nge ekkewe chón makkeei ewe Paipel, ra sókkóló seniir pún ra makkeei pwisin mwáállir kewe me chón ar we mwú.—2 Kronika 36:15, 16; Kölfel 51:1-4.
A wenechar an kewe oesini. Ewe Paipel a oesini usun talóón ewe telinimw Papilon 200 ier me mwan. (Aisea 13:17-22) A affata napanapen talóón Papilon me pwal mwo nge iten ewe emén epwe wisen okkufu!—Aisea 45:1-3.
Ekkóch oesini lón Paipel a pwal mwo nge pwénúetá ekkewe ákkáekisin kinikinin lón. Esap pwe ina met sia mochen kúna seni ewe Kapasen Kot?—2 Petrus 1:21.
METTÓCH KOPWE EKIEKI
Ifa usun án Kot we Kapas a tongeni amúrinnééló manawom?
Ewe Paipel a pélúweni ena kapas eis lón AISEA 48:17, 18 me 2 TIMOTY 3:16, 17.