Met Weween Mwúún Kot?

MINNE EWE PAIPEL A APASA

“Ewe Koten läng epwe aüetä eu mwü esap tongeni tala.”​—Taniel 2:44, Paipel are Testamentin Lom me Testament Söfö.

“Kot a lifang ngenikich eman ät, i epwe ach sounemenem.”​—Aisea 9:6.

IFA USUN ENA PWÓRÓUS EPWE ÁLISUK

• Eú nemenem mi pwúng mi tongeni álisuk.​—Aisea 48:17, 18.

• Lón ena ótót séfé, epwe fis eú sókkun manaw mi unusen apwapwa me esap wor semmwen.​—Pwärätä 21:3, 4.

KICH MI TONGENI WESEWESEN LÚKÚ MET PAIPEL A APASA?

Ewer, ikkeei ruu popun:

• Jesus a fen pwáraatá met án Kot we Mwú epwe féri. Jesus a áiti ngeni néún kewe chón káé ar repwe iótek pwe án Kot we Mwú epwe war me letipen Kot epwe fis wóón fénúfan. (Mateus 6:9, 10) Jesus a pwáraatá ifa usun ena iótek epwe pélú.

  Atun Jesus a nóm wóón fénúfan, a amwéngééni ekkewe mi echik, echikara ekkewe mi samau, me amanawasefáli ekkewe mi máló! (Mateus 15:29-38; Johannes 11:38-44) Pokiten Jesus epwe wisen Sounemenemen Mwúún Kot, i a fen pwári lón ena atun usun múrinnéén met ewe Mwú epwe féri fán iten aramas mi nóm fán nemenian.​—Pwärätä 11:15.

• Minne a fiffis wóón fénúfan a ánnetatá pwe Mwúún Kot epwele war. Jesus a fen oesini pwe mwen ewe Mwú epwe atoto kinamwe wóón fénúfan, epwe akkomw fis maun, lengita, me chechchechin fénú.​—Mateus 24:3, 7.

  Ikenái, sia kúna pwe a fis ekkena mettóch. Ina minne, sia tongeni lúkúlúk pwe án Kot we Mwú epwele asopwaló ekkeei osukosuk meinisin.