Ié A Wesewesen Nemeni Ei Fénúfan?

MINNE EWE PAIPEL A APASA

“Unusen fanüfan a nom fän nemenien Ewe mi Ngau.”​—1 Johannes 5:19, Paipel are Testamentin Lom me Testament Söfö.

“Nöün Kot a war an epwe atala än Tefil angang.”​—1 Johannes 3:8.

IFA USUN ENA PWÓRÓUS EPWE ÁLISUK

A áweweei pwata a chómmóng osukosuk wóón ei fénúfan.​—Pwärätä 12:12.

A awora ewe ápilúkúlúk pwe ei fénúfan epwe múrinnéló.​—1 Johannes 2:17.

KICH MI TONGENI WESEWESEN LÚKÚ MET PAIPEL A APASA?

Ewer, ikkeei úlúngát popun:

• Án Satan nemenem epwele taló. Jiowa a fen aota pwe epwe úkútiw án Satan nemenem wóón aramas. A pwonei pwe epwe “atala . . . Tefil” me aéchúsefáli minne a fen angawa.​—Ipru 2:14.

• Kot a filatá Jesus Kraist an epwe nemeni ei fénúfan. Jesus, a unusen sókkóló seni ewe sounemenemen ei fénúfan mi kirikiringaw. Iei met Kot a pwonei usun án Jesus nemenem: “A tongei chokewe mi apwangapwang me wöüngau . . . A angaseer seni ar riaföü me ewe angangen mwäneson mi fis ngeniir.”​—Kölfel 72:13, 14.

• Kot ese tongeni kapas chofona. Iei alon Paipel: “Esap tufich pwe Kot epwe tongeni chofona.” (Ipru 6:18) Ika Jiowa a pwonei och mettóch, sipwe ekieki pwe a fen fis! (Aisea 55:10, 11) “Ewe samolun ei fanüfan epwe koturula.”​—Johannes 12:31.